sábado, 3 de marzo de 2018

PREMIO para TRANSFORMANDO REALIDADES


Eu téñolle un especial agarimo aos premios GSD INNOVACIÓN EDUCATIVA .

 Aquí quedan algunhas fotos dunha xornada intensa , dun día de reencontros compartindo a nosa felicidade por este segundo premio entre amig@s .
  Felicidades a GSD por unha entrega de premios divertida , moi emocionante e perfectamente organizada , na que compartimos os nosos proxectos e soñamos con outros novos , por que compartir experiencias é unha gran forma de aprender, GRAZAS #GSDinnova2018 #PremiosINNE2018 da Fundación GSD.#TRANSFORMANDOREALIDADES #ArteParaCambiarElMundo #IESasBarxas #Moaña

proxecto coordineino xunto á miña compañeira e amiga   M  Jose Soto (profesora de economía ) e implicou a toda a comunidad educativa do IES as Barxas. 

“TRANSFORMANDO REALIDADES”,  é ARTE para cambiar o mundo,  trátase dunha  experiencia interdisciplinar e creativa que pretende fomentar a cultura emprendedora e a Educación Artística en todas as etapas educativas, a través da creación e xestión dun CENTRO DE ARTE CONTEMPORÁNEA no IES AS  BARXAS, de Moaña, especializado en 4 áreas: Produción, Exhibición, Documentación e Formación. O proxecto céntrase no poder da arte  para reflectir e transformar  a realidade , comunicar, concienciar, emocionar, e no papel do noso alumnado como creador e distribuidor de arte. Cremos que todos levamos un artista dentro e  queriamos potenciar os distintos talentos do alumnado a través da creatividade e o emprendemento como actitude ante a vida, priorizando a educación emocional, o respecto e a educación en valores. A arte non ten fronteiras e nós rompémolas creando con pintura, escultura, fotografía, vídeo, animación, proxección, deseño 3D, realidade aumentada,  gamificación.. Por que? Porque a arte é para todos e todas, é a mellor forma  que coñecemos para cambiar conciencias , emocionar e transformar  e é un dereito social . 
 A arte contemporáneo non só foi obxecto de estudo, senón que foi un medio para descubrir, investigar, producir, educar e cambiar contornas, crear conciencia. Así actuamos contra a violencia de xénero a través da ilustración, a animación e a realidade aumentada, en defensa do patrimonio utilizando o deseño 3D, a xeolocalización e a  fotogrametría, contra o  bulling, o tabaquismo, visibilizando problemáticas sociais co recurso audiovisual  e diferentes técnicas de animación 2D concienciamos  e contamos historias con corazón baseándonos nunha obra de ARTE e compartíndoas nun festival , Resucitamos a figura de  Maruja Mallo nunha exposición conmemorativa “ EU son  Maruja Mallo  , e unha chea de accións artísticas que podes atopar neste BLOGUE   que deixo a continuación:
https://proyectotransformandorealidades.blogspot.com/













miércoles, 5 de julio de 2017

EU SON MARUJA MALLO




Exposición homenaxe á pintora Maruja Mallo  “EU SON MARUJA”
 As obras foron realizadas polo alumnado de bacharelato de Debuxo Artístico, dirixido pola profesora Luz Beloso, e comisariadas polo alumnado de Economía  dirixido pola profesora M Jose Soto .

 A mostra consta dunha serie de instalación e distintas obras artísticas (tridimensionais nalgúns casos), ao redor da GRAN MARUJA MALLO, muller e artista galega de carácter transgresor á que este ano se lle dedicou o Día das Artes Galegas.

Cada obra artística utiliza como parte da composición o propio hall do IES AS BARXAS, ademais de obxectos realizados con material de reciclaxe, cartóns, ramas, redes, etc. Tamén podemos atopar as últimas tendencias no campo das animacións, arte dixital, ilustracións e realidade aumentada, coa pretensión de encher o espazo do espíritu surrealista de Maruja, onde o espectador é convidado a moverse ao redor da peza e interactuar con ela.

Esta exposición homenaxe pretende ser un alegato en defensa dos dereitos da muller e ao dereito de facer visible tanto a Maruja coma a súa obra, tan inxustamente esquecida durante anos.

A experiencia forma parte do proxecto TRANSFORMANDO REALIDADES, premiado pola “Plataforma Proyecta Innovación”, co obxectivo de crear e xestionar un centro de arte contemporánea no IES AS BARXAS e que pode seguirse a través da web do proxecto: https://luzbelos.wixsite.com/eusonmarujamallo







miércoles, 1 de marzo de 2017

MARUJA MALLO, A mensaxe do mar


Pronto celebramos o Día das Artes Galegas, este ano dedicado a Maruja Mallo.
Empezamos interpretando a obra "A mensaxe do mar ,  pronto pasaremos á fase produción,  animación, e exposición o 1 de ABRIL
Os alumnos e alumnas de debuxo artístico atópanse na fase de produción artística, estamos envoltos na preparación dunha exposición homenaxe , onde teremos todo tipo de obra , desde instalacións artísticas, animacións, arte dixital a ilustracións e obra gráfica variada do alumnado ao redor desta xenial artista .




ILUSTRACIÓNS






Arte e natureza (parte I) O outono é o noso lenzo


Arte e natureza (parte I) O outono é o noso lenzo
 Para este proxecto artístico inspirámonos no movemento artístico Land art: a natureza como lenzo .

O principio fundamental do Land Art é alterar, cun sentido artístico, a paisaxe, para producir o máximo de efectos e sensacións no observador.
Nesta 1º fase da que teremos algunhas accións máis utilizamos os elementos naturais de forma sustentable na práctica das nosas  creaciónes.
Dentro do Proxecto transformando realidades utilizamos como lenzo as follas secas que nos atopamos estes días no patio do noso IES, este é o noso  tributo á natureza, transformando as follas en interpretacións de obras de arte e dándolles unha segunda vida.

Tamén queremos cambiar o  hábito de usar e tirar tan arraigado na nosa sociedade  e educar na reciclaxe  , todo pode ser transformado nunha obra de ARTE , inspirandonos no Drap-Art  , e apostando por unha ARTE SUSTENTABLE

Despois do traballo na folla , realizouse unha foto composición que será a obra exposta e tratouse   cada  imaxe  con retoque    dixital .













domingo, 8 de mayo de 2016

"ROSALÍA AS BARXAS" ,1º ACCIÓN -"BERRAN os MUROS"



ROSALÍA AS BARXAS é un traballo fruto da coordinación  do EDNL (Brais Pérez ) e  o departamento de educación plástica do IES as Barxas. 

Aquí deixo este vídeo  co proceso de realización do MURAL  "ROSALÍA AS BARXAS"  realizado polas miñas alumnas e alumnos de DEBUXO ARTÍSTICO de 1º BACH , contamos coa axuda dos alumn@s de EDUCACIÓN PLÁSTICA de 4º ESO e do seu profe Chema, que se encargaron de preparar o muro e pintalo de branco.

Unha vez preparado o muro , realizamos o  deseño dixital do mural , unha mestura entre "a liberdade guiando ao pobo" e a nosa querida  Rosalía, xunto a ela, unhas rosas violeta, símbolo dun "remuiño violeta" nacido o ano pasado no corazón do IES as Barxas .

 Para finalizar incluímos un código QR que vos levará a un vídeo poema dos alumn@s de 2º Bach de debuxo artístico , premiado o ano pasado no festival audiovisual Olloboi.


A nosa inspiración, un mural de Banksy creado  nunha parede situada fronte á embaixada francesa en Londres, no debuxo critica o uso de gas lacrimóxeno no campo de refuxiados coñecido  próximo á localidade de Calais , neste grafiti o artista inclúe por primeira vez un código QR , esta idea encantounos.

A arte está na rúa e os muros berran.

Nós SI cremos que a arte pode cambiar o mundo.

O DESEÑO










OS ARTISTAS 

















Agradecementos a :
  •  MªJosé Soto por vir ás 10 da noite a axudarnos a sacar o debuxo.
  •  Cervexeria Fairies​ pola súa   boa disposición a colaborar sempre nos nosos proxectos.
  • Ao concello de Moaña e aos seus operarios por  limpar o muro e  facilitarnos o material para a creación do mesmo.



lunes, 29 de febrero de 2016

"Non somos invisibles. Que a endometriose tampouco o sexa"


Grazas a unha proposta de Ana Moreiras, leamos a manta á cabeza e decidimos empezar este proxecto .
A nosa primeira meta é como sempre comunicar, comunicar mediante a animación ,  pero para iso os meus alumn@s necesitaban documentación , empezamos a informarnos  sobre a endometriose , unha gran descoñecida para moitos de nós, con todo unha enfermidade que afecta a moitísimas mulleres , preto do 10 ao 15% da poboación feminina que estea diagnosticada, tendo en conta que  tarda anos en ser  diagnosticada, é unha enfermidade  sobre a que apenas se investiga , ignorada , invisibilizada , unha enfermidade que  só afecta as mulleres .
A idea da curta xurdiu do texto da páxina de facebook 


         
Nos esperamos que esta tea de araña desapareza  e querEMOS que se investigue axiña .

    EduPlástica- Luz Beloso on Vimeo.

O fantástico slogan "Non somos invisibles. Que a endometriose tampouco o sexa" idea da nosa "gherrilleira violeta"  Iria Collazo.
A animación, ilustracións e realización do vídeo, dos meus artistas de 1º BACH de debuxo artístico do IES as Barxas.


Escoitar o que vos queren dicir.